Navespro.ru

Hech kimga sir emas, kutubxonalarning bosh maqsadi - aholining axborot va bilimga bo'lgan ehtiyojini qondirish. Bilimlar hamma uchun ochiq bo'lishi kerak hamda kitobxon o'ziga kerakli kitobni javonlar orasida yurib, o'z qo'li bilan ushlab, varaqlab ko'rib, xullas, yaqindan tanishgan holda tanlab olisga haqi bor. Ammo, bizning kutubxonalarimiz fondlari yopiq, unga faqatgina kutubxona xodimlarigina kira olishlari mumkin. Oddiy o'quvchida kitoblar orasida yurib, "duru-gavhar"larni terish imkoniyati berilmagan. Vaholanki, rivojlangan jamiyatda kishilarning axborot olishga bo'lgan erkinligini ta'minlash uchun kitob raflari to'lig'icha mijozlar e'tiboriga havola qilinadi. Axborot jamiyati tushunchasining asosiy tamoyillaridan biri ham shu: jamiyat a'zolari - har bir talaba, ishchi, pensioner, kim bo'lishidan qat'i nazar, axborotdan erkin foydalana olish imkoniyatiga ega bo'lishi kerak. Kutubxona ostonasi azaldan bilimlar darvozasi bo'lib kelgan ekan, unga qadam qo'ygan insonga fondlarda saaqlanayotgan fondlarni ko'rsatish kerak. Afsuski, bizning ommaviy kutubxonalarimizning fondlariga kirish uyoqda tursin, ko'p hollrda hattoki kartotekada yozib qo'yilgan kitobni so'rov berib ham qo'limizga ololmaymiz.

Yopiq fondlar.

O'zingiz izlanish olib borayotgan mavzu boyicha kitoblarni kartotekadan topib xursand bo'lasiz, shulardan 5-10 tasining chaqiruv raqamini ko'chirib olib, fondning tuynugidan qarab turgan kutubxonachiga olib borib berib, intizor bo'lib 10-15 minut kutasiz.. Va natijada so'ralgan kitoblardan aksariyatini "bizda yo'q", deb aytishadi. O'sha ro'yxatdan 2-3 tasini topib berishsa xursand bo'lavering. Mayli, turli sabablarga ko'ra kitoblar yo'qolgandir (unda katalog yozuvci nega olinmagan?!), ammo bizda fondlarga kirish imkoniyati berilganda o'zimizni qiziqtirgan mavzu bo'yicha boshqa, bir dasta kitob topib chiqishimiz mumkin bo'lardi. Ingliz tilida bir ajoyib tushuncha bor. "Serendipity" degan. Ya'ni bir narsani axtarayotib, omadingiz chopib, tasodifan boshqa bir narsani topib olish. Bu tajribani barchamiz o'z boshimizdan o'tkazganmiz. Ayni shu yo'l bilan ko'pgia ixtirolar, ajoyib kitoblar yozilgan. Aynan o'sha serendipitykutubxona sharoitida ajoyib tarzda ro'y beradi. Hattoki, bemaqsad, shunchaki kitob javonlari orasida yurib, qo'imizga duch kelgan kitobni olib varaqlab, keyingi bir necha soat (balki bir necha kun) davomida bizni mashg'ul qiladigan fikrlarga duch kelishimiz mumkin. Ammo, ommaviy kutubxonalar hamda universitet kutubxonalarining hozirgi holatida buni faqat orzu qilishimiz mumkin.

So'nggi yillrda hukumatimiz tomonidan kutubxonalarni yanada rivojlantirish, texnik jihozlash yo'lida katta ishlar qilinmoqda</a>. 2015 yilgacha barcha axborot-kutubxona markazlari va axborot-resurs markazlarida integrirlashgan kutubxona tarmog'i hamda elektron kutubxonalarni yo'lga qo'yish maqsadi qo'yilgan. Ushbu muassasalarni texnik tomondan yangilash va fondlarni umumiy katalogga birlashtirish va elektron kolleksiyalarni yaratish muhim masala. Shu bilan birga, aholining axborotga bo'lgan talab va ehtiyojlarini qondirish yo'lida kutubxonalar fondlarining ochiq holda faoliyat ko'rsatishi, kitobxonlar ulardan hech qanday to'siqsiz, bevosita foydalana olishlarini yo'lga qo'yish ham orqaga qoldirib bo'lmaydigan vazifa, nazarimizda. Zero, bunday faoliyat jamoatchilikning kutubxonalarga bo'lgan qiziqishini va qo'llab-quvvatlashiga sabab bo'ladi.

Manba: http://kutubxona2.doira.uz 

Вам это будет интересно!

Последние новости